ShYU qazir álemdegi eń tabysty halyqaralyq uıym - Toqaev
«Bizdiń Uıym adamı, resýrstyq jáne tehnologııalyq áleýeti bar álemniń qarqyndy damyp kele jatqan ekonomıkasyn biriktiredi.
Shanhaı yntymaqtastyq uıymyna múshe memleketterdiń úlesi álemdik jalpy ishki ónimniń shamamen tórtten birin quraıdy, ıaǵnı 23 trıllıon dollardan asady.
Bizde energetıkalyq resýrstardyń, kómirdiń, sırek metaldardyń jáne jańartylatyn energııa kózderiniń eń baı qory bar.
Men joǵaryda aıtqandaı, bizdiń uıymnyń ıdeıalyq jáne ınstıtýtsıonaldyq negizderinde kereǵarlyq pen bloktarǵa bólinýshilik joq. Bul ShYU-nyń halyqaralyq bedeli men tanymaldyǵynyń artýyna yqpal etti. Sonyń arqasynda uıym eń tabysty birlestikke aınaldy. Sondyqtan ShYU úderisine qatysatyn elderdiń geografııasy jyldan jylǵa keńeıip keledi. Bul – Uıymnyń joǵary suranysqa ıe ekeniniń aıqyn dáleli. Meniń pikirimshe, ShYU qazir álemdegi eń tabysty halyqaralyq uıym.
Biz taýarlardyń, kapıtaldyń, kórsetiletin qyzmetter men tehnologııalardyń erkin aınalymyna kezeń-kezeńmen kóshý úshin ShYU-daǵy ekonomıkalyq yntymaqtastyqty túrli formada damytýdy qoldaımyz», - dedi QR Prezıdenti.
Aıta ketsek, keshe keshke Prezıdent Qasym-Jomart Toqaev Shanhaı yntymaqtastyq uıymyna múshe memleketter basshylary keńesiniń Sammıtine qatysý úshin jumys saparymen Samarqand qalasyna keldi.
Memleket basshysy Ózbekstanǵa sapary barysynda Samarqandtaǵy «Máńgilik qala» keshenine baryp, kórmeler men shyǵys bazaryn tamashalady.
Qasym-Jomart Toqaev Shanhaı yntymaqtastyq uıymyna múshe memleketter basshylary keńesiniń Sammıtine qatysý úshin «Kongress ortalyǵyna» keldi.