ShYU Irannyń tolyqtaı qosylýynan utar edi - Reseıdegi IIR Elshisi

ASTANA. QazAqparat - Shanhaı yntymaqtastyq uıymy úshin Iran óte mańyzdy el bolyp tabylady, uıym Irannyń oǵan tolyq qosylǵan jaǵdaıynda tek utar edi. «Kommersant» gazetine bergen suhbatynda Iran Islam Respýblıkasynyń Reseıdegi Elshisi Mehdı Sanaı osyndaı pikir bildirdi.

Iran ShYU-ǵy baıqaýshy statýsyna ıe. Senbi kúni Reseı astanasynda ótetin ShYU SІM basshylary keńesiniń qarsańynda Elshi «ShYU-nyń tujyrymdamasy Irannyń aımaqtyq jáne álemdik máselelerge qatysty kózqarasyna sáıkes bolyp otyrǵanyn» málim etti.

«ShYU úshin de Iran mańyzdy el bolyp tabylatynyna senimdimin. Iran uıymǵa Taıaý Shyǵys, ıslam áleminde jáne jalpy alǵanda búkil aımaqta jınaǵan tájirıbesi men yqpalyn ákele alar edi. Eger Iran ShYU-na tolyq qosylǵan jaǵdaıda, uıym tek utar edi», - dedi Sanaı.