ShYU hartııasy álemge memleketaralyq ózara is-árekettiń jarqyn úlgisin kórsetti - Bas hatshy
BEIJІŃ. QazAqparat - 24 naýryzda Beıjińde ShYU negizgi qujaty - ShYU Hartııasyn qabyldaýdyń 15 jyldyǵyna arnalǵan ǵylymı sımpozıým ótti, dep habarlady Qytaıdaǵy «QazAqparat» HAA tilshisi.
Sımpozıýmǵa ShYU hatshylyǵy, Qytaı Qoǵamdyq ǵylym akademııasy bastamashylyq etti. Sımpozıým ShYU problemasymen aınalysatyn jetekshi ǵylymı mekemeler jáne «aqyl-oı ortalyqtarynyń» basshylary men sarapshylaryn jınady.
Sımpozıým qatysýshylary aldynda ShYU bas hatshysy Rashıd Alımov sóz sóıledi.
«Hartııa halyqaralyq praktıkada alǵashqy jarııa zańgerlik qujattardyń biri bolyp tabylady. Onda halyqaralyq birlestiktiń irgeli sıpattamasy retinde biregeı áriptestiktiń úlgisi tirkeledi». Búgin Hartııa yntymaqtastyqtyń maqsattary men negizgi baǵyttaryn aıqyndap, Uıym qyzmetiniń berik quqyqtyq negizin qalaı otyryp, álemge memleketaralyq ózara is-árekettiń jalpyǵa birdeı negizderiniń jarqyn úlgisin kórsetkenine eshkimniń kúmáni joq», - dep atap ótti Bas hatshy.
ShYU aıasynda áriptestiktiń erekshelikterin sıpattaǵan Alımov ShYU - bastapqyda jáne tutastaı kóp jaqty áriptestik formatynda qurylǵan kópbeıindi halyqaralyq birlestikterdiń biri ekenine toqtaldy.
«Bul Uıymnyń bedeli men tartymdylyǵyn bildiredi. Jaı bir sapqa tizilý emes, ózara túsinistik, ústemdik emes, teńdik bar. Úılestirýdi áriptestiktiń negizgi elementi dep ataýǵa bolady. Úılestirý tyǵyz bolǵan saıyn, ózara túsinistik te tereńdeıdi, teńdik qatań saqtalǵan saıyn áriptestik te nyǵaıyp, tıimdi bola túsedi», - dedi dıplomat. 
