ShYU-ǵa múshe memleketterdiń qorǵanys mınıstrleri 2024 jyly Qazaqstanda kezdesedi

NЬıÝ-DELI. QazAqparat – Úndistan astanasy Nıý-Delıde Shanhaı Yntymaqtastyq Uıymyna múshe memleketter qorǵanys mınıstrleriniń kezekti keńesi ótip, oǵan Qazaqstannyń Qorǵanys mınıstri, general-polkovnık Rýslan Jaqsylyqov ShYU keńesine qatysty, dep habarlaıdy QazAqparat vedomstvonyń baspasóz qyzmetine silteme jasap.

Úndistan, Qazaqstan, Qytaı, Qyrǵyzstan, Pákistan, Reseı, Tájikstan jáne Ózbekstan qorǵanys mınıstrleri qazirgi geosaıası jaǵdaıdy eskere otyryp, Uıym formatynda qorǵanys salasyndaǵy yntymaqtastyq týraly pikir almasty.

Keńeske qatysýshylar áskerı saladaǵy senim sharalaryn nyǵaıtý men ShYU-ǵa múshe memleketter óńirlik qaýipsizdiktiń jańa syn-tegeýrinderi men qaýip-qaterlerine qarsy is-qımyl jónindegi kúsh-jigerin úılestirý Uıymnyń kún tártibinde ózektiligin saqtaıtynyn atap ótti.

ShYU-ǵa múshe memleketter qorǵanys vedomstvolary basshylarynyń kelesi kezdesýi 2024 jyly Qazaqstanda ótedi.

Eske salaıyq, otyrys aıasynda Qazaqstan qorǵanys vedomstvosynyń basshysy, general-polkovnık Rýslan Jaqsylyqov óziniń áriptesteri – Úndistan qorǵanys mınıstri Radjnath Sıngh jáne Qytaı Halyq-azattyq armııasynyń qorǵanys mınıstri general-polkovnık Lı Shanfýmen kezdesti. Taraptar ekijaqty áskerı yntymaqtastyqtyń qazirgi jaǵdaıy men perspektıvalaryn talqylady.