ShYU-ǵa múshe elder Internet jelilerin basqarý salasyndaǵy yntymaqtastyqty ulǵaıtýǵa nıetti
«Múshe-memleketter halyqaralyq aqparattyq qaýipsizdikti qamtamasyz etý salasyndaǵy yntymaqtastyq týraly ShYU-ǵa múshe-memleketterdiń úkimetteri arasyndaǵy kelisimdi júzege asyrý boıynsha praktıkalyq yntymaqtastyqty munan ári de tereńdete beretin bolady», - delingen deklaratsııada.
Sondaı-aq atalǵan qujatta múshe elderdiń Internet jelilerin basqarý salasyndaǵy yntymaqtastyqty ulǵaıtýǵa nıetti ekendigi jáne barlyǵy da bul jelilerdi basqarýǵa, ásirese óziniń ulttyq segmentinde Internetti basqarýǵa arnalǵan táýelsiz quqyǵyn qamtamasyz etýge teń quqyly ekendikteri aıtylǵan.
«Múshe-memleketter álemdik qoǵamdastyqty yntymaqtastyq, memlekettik egemendikke qurmet jáne basqa elderdiń ishki isine aralaspaý ustanymdaryna negizdelgen beıbit, qaýipsiz, ádil jáne ashyq aqparat keńistigin qurýǵa shaqyrady», - delingen qujatta.