ShYU-ǵa múshe elder dıpókildikteri arasynda fýtbol týrnıri ótip jatyr
«Shanhaı yntymaqtastyq uıymy sammıti qarsańynda ShYU-ǵa múshe elderdiń dıplomatııalyq ókildikteri arasynda fýtboldan týrnır ótkizeıik dep sheshim qabyldadyq. Menińshe, mundaı shara ShYU-ǵa múshe elderdiń arasyndaǵy dostyq pen ózara túsinistikti tereńdete túsetin bolady. Bul óte jaqsy ári qyzyqty shara dep bilemin», - dedi týrnırdiń ashylýyna sóz sóılegen QHR-dyń Qazaqstandaǵy Tótenshe jáne Ókiletti elshisi Chjan Hanxýeı.
Osy rette Elshi aǵymdaǵy jyldyń maýsym aıynda ShYU sammıti Qytaıdyń Tsındao qalasynda ótetindigin eske saldy.
«Biz uıymǵa múshe elderdiń barlyq Prezıdentterin kútemiz jáne bul sammıttiń ShYU-ǵa múshe qoldaýymen barynsha tabysty ótetindigine senim artamyz. Aıta keterligi, bul osy jerde uıymdastyratyn sońǵy shara bolmaq. Sondyqtan osy múmkindikti paıdalanyp ózderińizben qoshtaspaqpyn. Qazaqstandaǵy óz mıssııamdy aıaqtap, 17-si kúni elime ushyp ketemin», - dedi ol dıplomatııalyq ókildik basshylaryna qarata.
Al Reseı Federatsııasynyń Tótenshe jáne Ókiletti elshisi Alekseı Borodavkın týrnırge qatysýshylarǵa tabys tiledi.
«Aǵymdaǵy jyly Reseıde fýtboldan álem chempıonaty ótedi. Biz barynsha jaqsy daıyndalýǵa tyrystyq. Komandamyzdy jaqsylap daıyndap qana qoımaı, qatysshy elderdiń jankúıerleri men sportshylary úshin de qolaıly ınfraqurylym jasaýǵa tarystyq. Barshańyzdy fýtboldan álem chempıonaty ótetin kezde Reseıge kelýge shaqyramyn», - dedi ol.
Aıta ketsek, týrnırge Qazaqstan, Qytaı, Qyrǵyzstan, Ózbekstan, Pákistan, Reseı, Tájikstan komandalary qatysýda.
