ShYU-ǵa eshkim de muryn shúıirip qaraı almaıdy- Aleksandr Lýkashenko

ASTANA. KAZINFORM - Shanhaı yntymaqtastyq uıymymen halyqaralyq qoǵamdastyq sanasady. Búgin elordadaǵy Táýelsizdik saraıynda ótken ShYU-ǵa múshe memleketter basshylary keńesiniń keńeıtilgen otyrysynda Belarýs Prezıdenti Aleksandr Lýkashenko osyndaı pikir bildirdi, dep habarlaıdy QazAqparat.

«Nursultan Ábishuly, bir baıqaǵanym, ShYU-nyń álemdik damýdyń kún tártibindegi máseleleriniń birde-bireýine eshkim de kózge ilmeýi múmkin emes, eshkim de», - dedi Lýkashenko Qazaqstan Prezıdentine qarata.

Osy rette ol ShYU eń yqpaldy halyqaralyq qurylymdardyń birine jyldam aınalyp kele jatqandyǵyn basa aıtty.

«Óńirlik janjaldardyń qanat jaıyp kele jatqan jaǵdaıynda ǵalamshardyń shamamen jarty turǵyndary atynan ókildik etetin elderdiń bir-birine jaqyndaı túsý protsesi aıryqsha qundylyqqa ıe bolýda. Aýyzbirshilik pen birlik - terrorızm, ekstremızm, uıymdasqan qylmysty qosa alǵandaǵy qazirgi syn-qaterlerge qarsy turýdyń mańyzdy faktory», - dedi Belarýs basshysy.

Onyń paıymynsha, ShYU bedeliniń nyǵaıa túsýine oǵan múshe elder sanynyń da arta túsýi dálel bola alady.

«Qýatty eki memleket - Úndistan men Pákistan onyń tolyq quqyly múshesine aınalady. Bul mańyzdy nátıje ekendigi sózsiz. Bul uıymymyzdyń batyl ári jaýapty qadamy. Osynaý qýatty memleketterdiń arasyndaǵy qarym-qatynastyń belgili bir túıtkildi problemalary da bar ekendigin jasyrmaıyq jáne búgin sizderdiń olardy ShYU quramyna qabyldaýlaryńyz sizderdiń jaýapty adam ekendikterińizdi bildiredi. Osylaısha sizder bul probelmanyń sheshimin de ózderińizge alyp otyrsyzdar», - dedi Aleksandr Lýkashenko.