ShYU elderiniń ekonomıkalyq baılanystaryn nyǵaıtý qajet - Ábdirahmanov
Bul týraly otyrystan keıingi brıfıngte QR Syrtqy ister mınıstri Qaırat Ábdirahmanov málim etti, dep habarlaıdy QazAqparat.
Onyń atap ótýinshe, ShYU damýynyń qazirgi kezeńinde múshe memleketterdiń negizgi nazary uıym aýmaǵynda óńdeý ónerkásipterin, kólik-tranzıttik jáne áleýmettik ınfraqurylymdardy birlese qurý arqyly uzaq merzimdi saýda-ekonomıkalyq damýdy qamtamasyz etýge baǵyttalýy tıis.
«ShYU elderi tıimdi ekonomıkalyq ózara is-qımyldyń kópjaqty formatyn qurý úshin myqty áleýetke ıe. Ókinishke oraı bul áleýet is júzinde paıdalanylyp otyrǵan joq. Uıym elderiniń qarym-qatynasy ekijaqty formatta beleń alǵan. Biz ShYU-nyń iskerlik keńesi men bankaralyq birlestigi ekonomıkalyq baǵyttaǵy mınıstrler keńesteri men jumys toptarymen tolyqqandy aralasýyn qoldaımyz... Damý banki men Damý qoryn qurý máselesi de áli kúnge ashyq qalyp otyr», - dedi ol.
Mınıstrdiń aıtýynsha, ShYU-ǵa múshe memleketterdiń kólik-tranzıttik áleýetin mamyr aıynda quryltaıshylyq otyrysy Beıjińde ótetin yntymaqtastyqtyń jańa mehanızmi asha túsetin bolady.
«Qazirgi ýaqytta jasalyp jatqan uıym keńistiginde tarmaqtalǵan kólik baǵdarlary júıesi bar ShYU joldaryn damytý baǵdarlamasy bizdiń eldermizdiń barlyǵyna birdeı paıda ákelýi tıis. Búginde «Nurly jol» men «Jibek joly ekonomıkalyq beldeýi» baǵdarlamalaryn túıindestirý jónindegi yntymaqtastyq josparyn júzege asyrý boıynsha jumys júrgizilip jatyr. Bizdiń elderimzidiń kóptegen aýqymdy kólik jobalarymyz ejelgi Uly Jibek joly boıyndaǵy qazirgi zamanǵy quramdas bóligi bola alady», - dedi Ábdirahmanov.