ShYU elderiniń bıznesmenderi men bankırleri Astanada EKSPO-2017 qarsańynda kezdesedi

BEIJІŃ. QazAqparat - 12 sáýir kúni Beıjińdegi Shanhaı Yntymaqtastyq Uıymynyń hatshylyǵynda ShYU Bas hatshysy Rashıd Alımov ShYU Іskerlik keńesiniń basqarma tóraǵasy jáne Qazaqstan kásipkerler forýmy Keńesiniń tóraǵasy Raıymbek Batalovpen kezdesti, dep habarlaıdy «QazAqparat» HAA Qytaıdaǵy menshikti tilshisi.

Áńgime barysynda ShYU Іskerlik keńes qyzmetiniń belsendi qoǵamdyq uıymdastyrý alańy retindegi róli men qyzmeti týraly pikir almasý boldy. Onyń ekonomıkalyq yntyqmaqtastyqty keńeıtýdegi, kópjaqty jobalardy júzege asyrý men ShYU-ǵa múshe memleketterdiń iskerlik jáne qarjylyq ortalary arasynda tyǵyz baılanys ornatýdaǵy róli atalyp ótti.

 

Astanada ótetin sammıt jáne uıymdastyrýdy keńeıtý mánmátininde ShYU Bas hatshysy ekonomıkalyq yntymaqtastyqty joǵary deńgeıge kóterý týraly iskerlik ortalar aldyna qoıylǵan mindetterdi júzege asyrýǵa basa mán berdi.

Óz kezeginde Batalov ShYU Hatshylyǵynyń qyzmetin joǵary baǵalap, birqatar máseleler boıynsha ShYU Іskerlik keńesimen belsendi ózara árekettestiktiń mańyzdylyǵyn atap ótti. Ol ShYU Іskerlik keńesindegi óz tóraǵalyǵy kezinde yntymaqtastyqtyń qaryshtap damýyna úmit bildirdi.

Onyń aıtýynsha, EKSPO-2017  ashylýy qarsańynda Astanada Bankaralyq birlestik pen ShYU Іskerlik keńesiniń birlesken otyrysy ótedi.