ShYU elderiniń aýmaǵynda ekstremıstik uıymdardy kirgizbeýdiń qadamdary aıqyndaldy
NUR-SULTAN. QazAqparat – Parlament Májilisiniń jalpy otyrysynda «Shanhaı yntymaqtastyq uıymynyń ekstremızmge qarsy is-qımyl jónindegi konventsııasyn ratıfıkatsııalaý týraly» zań jobasy maquldandy, dep habarlaıdy QazAqparat tilshisi.
Konventsııaǵa Shanhaı yntymaqtastyq uıymyna múshe memleketterdiń basshylary 2017 jylǵy maýsymda Nur-Sultan qalasynda qol qoıdy.
Qujattyń maqsaty – ShYU-ǵa múshe elderdiń ekstremızmge qarsy is-qımyl salasynda ózara árekettestiginiń tıimdiligin arttyrý.
«Konventsııa ekstremızm túsinigin tuńǵysh ret halyqaralyq deńgeıde destrýktıvti kórinis retinde belgileıdi, onyń mazmuny men ekstremıstik is-árekettiń negizgi túrlerin anyqtaıdy. Qujat ShYU-ǵa múshe memleketterdiń ekstremızımge qarsy kúres salasynda ózara is-qımylyn qalyptastyrady», - dedi QR Ulttyq qaýipsizdik komıteti tóraǵasynyń orynbasary Nurǵalı Bilisbekov.
Konventsııany iske asyrý: ShYU elderiniń aýmaǵynda ekstremıstik uıymdardyń múshelerin kirgizbeý úshin shekaralyq yntymaqtastyqty kúsheıtýge; ekstremızmge qarsy sharalar ázirleý men iske asyrýda halyqaralyq jáne óńirlik uıymdarmen ózara is-qımyldy arttyrýǵa; ekstremızmge qarsy is-qımyldyń nasıhattalýyn, sonyń ishinde BAQ pen ınternet jelisinde kúsheıtýge; ekstremıstik ıdeologııanyń taralýyn ýaqytyly anyqtaý men jolyn kesý maqsatynda monıtorıng júrgizýdi jetildirýge múmkindik beredi.
«Konventsııanyń erejelerin iske asyrý qoldanystaǵy zańnamaǵa ózgerister engizýdi, sondaı-aq jańa zańdar men ózge de normatıvtik aktilerdi qabyldaýdy talap etpeıdi. Sebebi árbir memlekette kúshine engen normatıvtik aktiler paıdalanylatyn bolady. Zańdy qabyldaý respýblıkalyq bıýdjetten qosymsha qarjy bólýdi talap etpeıdi», - dedi N. Bilisbekov.
