ShYU elderi týrızmdi damytýdyń ortaq baǵdarlamasyn qabyldamaq

ASTANA. QazAqparat - Shanhaı yntymaqtastyq uıymynyń elderi maýsymda Tashkentte ótetin uıymnyń sammıtinde týrızm salasyndaǵy yntymaqtastyqty damytý baǵdarlamasyn qabyldaýdy josparlady, dep habarlady RIA Novostı.

Ózbekstan SІM derekterine sáıkes, 15-17 naýryzda Beıjińde týrızm salasyndaǵy ózara is-áreket máseleleri boıynsha ShYU memleketteri sarapshylarynyń kezdesýi ótti.

«ShYU-nyń Tashkentte ótetin sammıtiniń nátıjesi boıynsha josparlanǵan ShYU-ǵa múshe memleketterdiń týrızm salasyndaǵy yntymaqtastyǵyn damytý boıynsha baǵdarlama jobasy talqylandy», - delingen habarlamada.
ShYU-ǵa Reseı, Qytaı, Qazaqstan, Qyrǵyzstan, Tájikstan, Ózbekstan kiredi. Baqylaýshy mártebesine Belarýs, Mońǵolııa, Úndistan, Iran, Pákistan, Aýǵanstan ıe. 2015 jylǵy shildede ShYU-ǵa Úndistan men Pákistandy qabyldaý rásimi iske qosylǵan. Ýfada ShYU sammıtinde uıymǵa tóraǵalyq etý Reseıden Ózbekstanǵa ótken. ShYU sammıti 2016 jyly 23-24 maýsymda Tashkentte ótedi.