ShYU elderi qarýly kúshteriniń «Beıbit mıssııasy» aıaqtaldy

ASTANA. QazAqparat - Reseı Federatsııasynyń Chelıabi oblysynyń Shubarkól polıgonynda Shanhaı yntymaqtastyǵy uıymyna múshe elderdiń «Beıbit mıssııa - 2018» terrorızmge qarsy birlesken oqý-jattyǵýlary aıaqtaldy, dep habarlaıdy QazAqparat tilshisi QR Qorǵanys mınıstrliginiń baspasóz qyzmetine silteme jasap.

Oqý-jattyǵýlardyń belsendi fazasyna Qorǵanys mınıstri, QR Qarýly Kúshteri Bas shtabynyń basshysy, general-leıtenant Murat Maıkeev qatysty.  

Áskerı qyzmetshiler lańkester bılikti nemese ShYU-ǵa múshe memleketterdiń biriniń aýmaǵyn basyp alǵan jaǵdaıda qarýly kúshterdiń birlesken áreketterin is júzinde pysyqtady.

Buǵan deıin habarlanǵandaı, oqý-jattyǵýlarǵa ShYU elderi qarýly kúshteriniń 3 myńnan asa áskerı qyzmetshisi jáne 500-den astam áskerı tehnıkasy qatysty.