ShYU elderi esirtkimen kúreske baǵyttalǵan «Órmek» operatsııasyn ótkizdi

NUR-SULTAN. QazAqparat - Shildede Shanhaı Yyntymaqtastyq Uıymyna múshe memleketterdiń aýmaǵynda júıkege áser etetin zattardy, sıntetıkalyq jáne basqa da esirtkilerdi jetkizý jáne taratý arnalarynyń jolyn kesýge baǵyttalǵan «Órmek» operatsııasyn ótkizdi. Bul týraly QazAqparat QR ІІM Esirtki qylmysyna qarsy is-qımyl departamentiniń baspasóz málimetterine silteme jasap habarlaıdy.

Baspasóz málimetterine qaraǵanda, operatsııaǵa Úndistan, Qazaqstan, Qytaı, Qyrǵyzstan, Pákistan, Reseı, Tájikstan, Ózbekstan, sondaı-aq Aýǵanstannan, BUU Esirtki jáne qylmys jónindegi basqarmasynyń baqylaýshylary qatysty.

Qazaqstan ІІM basshylyǵy Almaty qalasynda ShYU-ǵa múshe memleketterdiń esirtkimen kúres vedomstvolarynyń ókilderi qatarynan Halyqaralyq úılestirý shtabynyń jumysy uıymdastyrdy.

ShYU-ǵa múshe memleketterdiń aýmaǵynda operatsııaǵa quqyq qorǵaý organdarynyń 76,5 myń qyzmetkeri jumyldyryldy, olar 1140 esirtki qylmysyn anyqtady.

6,8 tonnaǵa jýyq túrli esirtki tárkilendi, onyń ishinde 2,5 tonna apıyn, 1,3 tonnadan astam geroın, 1,8 kg kokaın, tonnadan joǵary marhýana, 837 kg. gashısh sondaı-aq 84 kg sıntetıkalyq esirtki jáne 41 kg psıhotroptyq zattar alyndy.

ShYU kóleminde esirtkimen baılanysty zańdy buzǵan eki myńnan astam adam ustaldy. 70 myń AQSh dollary kóleminde múlik pen qarajat tárkilendi.

Qazaqstan tarapynan 100 kg astam esirtki, onyń ishinde 2 kg geroın, 98 kg marıhýana, 1 kg gashısh tárkilendi. 252 esirtki qylmysy anyqtaldy, 10 qatysýshy quramynda uıymdasqan qylmystyq toptyń qyzmeti joıyldy. 1 mln. teńgeden astam somaǵa esirtki kiristerin zańdastyrýǵa áreket jasaýdyń joly kesildi.

Halyqaralyq úılestirý shtabynyń qatysýshylary ІІM Kınologııalyq ortalyǵynyń jumysymen tanysty, sondaı-aq Almaty oblysynyń Іle aýdanyndaǵy óndiristik maqsatta tehnıkalyq sorany qaıta óńdeıtin «Qazhemp» JShS-de boldy.

ShYU Bas hatshysynyń orynbasary N. Aqqoshkarov S. «Órmek» operatsııasynyń praktıkalyq is-shara retinde mańyzdylyǵyn atap ótti. Ol Qazaqstan ІІM-niń is-sharany uıymdastyrýdaǵy rólin erekshe atap ótip, Іshki ister mınıstri men jeke quramyna operatsııa júrgizý ıdeıasy jáne onyń sapaly iske asyrylǵany úshin alǵys atty. Sondaı-aq «Órmek» operatsııasyna jyl saıynǵy mártebe berý qajettiligi týraly pikirin bildirdi.