ShYU elderi áskerı sarapshylary kelissózderiniń úshinshi kezeńi bastaldy
ALMATY. Qarashanyń 17-si. QazAqparat - 2010 jyly Qazaqstan aýmaǵynda ótetin «Beıbit mıssııa» lańkestikke qarsy jattyǵýyn talqylaý jónindegi Shanhaı yntymaqtastyǵy uıymy elderi áskerı sarapshylarynyń shtabtyq kelissózderiniń kezekti raýndy búgin Qazaqstanda bastaldy, dep habarlady qorǵanys vedomstvosynyń baspasóz qyzmetinen.
Qazaqstan, Qytaı, Reseı, Tájikstan jáne Qyrǵyzstan áskerı ókilderiniń kelissózi jattyǵý ótetin aýdanǵa - Jambyl oblysyndaǵy Mátibulaq polıgonyna sapardan bastaldy. Jattyǵý jetekshisi, Qazaqstan Qarýly Kúshteri Qurǵaqtaǵy áskeriniń qolbasshysy general-leıtenant Sáken Jasuzaqov óz áriptesterimen aldaǵy birlesken jattyǵýdyń máselelerin dala jaǵdaıynda talqylaıdy.
ShYU elderiniń áskerı sarapshylary Almatyda osymen úshinshi ret bas qosyp otyr.
