ShYU elderi arasyndaǵy shekarany beıbitshilik pen dostyq beldeýine aınaldyrý kerek - Atambaev
«Turaqsyzdyq faktorlarynyń órshýi aıasynda shekaralyq aýdandardaǵy senimdi nyǵaıtý boıynsha yntymaqtastyqty tereńdetýdiń ózektiligi artyp kele jatqandyǵyn atap ótim keledi. Biz elderimiz arasyndaǵy shekarany beıbitshilik pen dostyqtyń beldeýine aınaldyrýymyz kerek. Sondyqtan «Shanhaı rýhyna» berik bolyp qala berýge jáne Shekara máseleleri jónindegi ShYU-ǵa múshe memleketterdiń yntymaqtastyǵy jáne ózara is-qımyly týraly kelisimge sáıkes naqty is-qımyl jasaýǵa tıispiz. Bul kelisim 2015 jyly qabyldanǵan edi», - dep atap ótti Atambaev.
Sonymen qatar ol Qyrǵyz Respýblıkasynyń saýda-ekonomıkalyq yntymaqtastyqty jandandyra túsirý qajettigine qoldaý bildiretindigin atap ótti.
«Qalaı bolǵanda da ShYU Damý bankin qurý týraly máseleni sheshetin ýaqyt jetti. ShYU Damý bankin qurýǵa basymdyq berýmen qatar Qyrǵyzstannyń «Shanhaı bestigin» qurýshylardyń biri bolǵandyǵyn taǵy da bir márte eske salǵym keledi. Sol ýaqyttan beri jáne qazir de ShYU banki qurylyp, onyń Bishkek qalasynda ornalasýyn qalaıtyndyǵymyzǵa nazar aýdartamyz», - dedi Qyrǵyz Prezıdenti.
