ShYU damý strategııasy kelesi jyly qabyldanýy múmkin
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Qazaqstan Respýblıkasynyń Shanhaı Yntymaqtastyq Uıymy jumysy jónindegi Ulttyq úılestirýshi, QR SІM Aıryqsha tapsyrmalar jónindegi elshisi Shahrat Nuryshev málim etti. Eske salaıyq, brıfıng Dýshanbedegi ShYU múshe memleketter Basshylary keńesi otyrysynyń qorytyndylaryna arnalǵan bolatyn.
SІM ókiliniń aıtýynsha, QR Prezıdenti N. Nazarbaev 2011 jyly ShYU-nyń Astanada ótken mereıtoılyq otyrysynda Uıymnyń bolashaq damý áleýeti men onyń naqty strategııasy bolýy tıistigin aıtqan.
«Atalǵan usynys aıasynda 2012 jyly ShYU jaqyn keleshekke arnalǵan damý Strategııasynyń negizgi baǵyttary qabyldandy. Al ótken Sammıt barysynda sheshim qabyldanyp, Syrtqy ister mınıstrleri keńesine 2025 jylǵa deıingi damý strategııasynyń jobasyn ázirleý jumysy tapsyryldy. Atalmysh Strategııa uıymnyń damý ólshemderi men naqty baǵyttaryn qamtyp, ShYU-nyń halyqaralyq saıasattaǵy ornyn naqty belgileýi tıis», - dedi Sh.Nuryshev.
Onyń sózine qaraǵanda, búgingi tańda strategııa jobasy ázirlenip, Uıymǵa múshe memlekettermen kelisýge joldanǵan.
«Osyǵan baılanysty kelissózder júrgiziledi, arnaıy jumys toby qurylady. Sonyń nátıjesinde 2015 jyldyń shildesinde Reseıde ótetin Sammıt barysynda Strategııany bekitýimiz múmkin», - dedi SІM ókili.