ShYU-da tuńǵysh jastar pikirsaıysy ótti

BEIJІŃ. QazAqparat - 21-22 mamyrda Beıjińde Shanhaı yntymaqtastyq uıymynyń (ShYU) shtab-páterinde qazaqstandyq taraptyń tóraǵalyǵy aıasynda halyqaralyq jastar pikirsaıysy ótti. Oǵan ShYU-ǵa múshe memleketterden stýdentter qatysty, dep habarlaıdy «QazAqparat» HAA-nyń Qytaıdaǵy menshikti tilshisi.

Beıjińde JOO-da oqıtyn ShYU-ǵa múshe memleketterdiń belsendi stýdentteri tuńǵysh ret qazirgi jastar úshin ózekti taqyryptardy ortaǵa saldy.

Olar «Teledıdar jas urpaqtyń tárbıesine qalaı yqpal etedi? Aqyly nemese tegin joǵary bilim: qaısy tıimdi? ShYU keńistiginde túlekterdi jumysqa ornalastyrýdyń kepildigin qalaı qamtamasyz etýge bolady? Erte nekege otyrý: qoǵam men memleket úshin ıgi is pe álde problema ma?» degen basqa da ózekti máseleler aıasynda pikir jarystyrdy.

 Tuńǵysh jastar pikirsaıysynyń jeńimpazdary San Iı (Qytaı), Shý Han (Qytaı), M. Hamralıev (Tájikstan), A. Sattorov (Tájikstan), D. Ótegenova (Qazaqstan) atandy. Sózden túıin túıgen sheshen stýdentterge uıymdastyrýshylar atynan gramotalar tabystaldy.

Shara aldynda  ShYU bas hatshysy  R. Alımov pen QHR-daǵy QR elshisi   Sh. Nuryshevtiń kezdesýi ótti. Kezdesýde taraptar ShYU-nyń Astana sammıtine daıyndyq barysyn talqylady.