ShYU Beıjińde Ózbekstannyń Mádenıet kúnin ótkizdi
Shara Shanhaı yntymaqtastyq uıymyna múshe elderdiń mádenı-gýmanıtarlyq baılanysyn nyǵaıtý, olardyń dástúri, saltymen tanysý maqsatynda «ShYU – Bizdiń ortaq úıimiz» jobasy aıasynda ótti.
ShYU Bas hatshysy Vladımır Norov joba maqsaty - kóp jyldar boıy halyqtar dostyǵyna, bilim almasý men mádenıetimen tanysýǵa qyzmet etip kele jatqan Uly Jibek jolynyń baǵytymen uqsas ekenin atap ótti.
«Bul Qytaıdan Eýropaǵa, Afrıka men Úndistan elderine deıin sozylǵan, Shanhaı yntymaqtastyq uıymynyń ortalyǵy sanalatyn Ortalyq Azııa arqyly ótetin aýqymdy saýda jáne mádenıet arterııasy», - dedi ol.
V.Norov elder arasyndaǵy órkenıetaralyq dıalogty damytýǵa «ShYU-nyń segiz ǵajaıyby» jobasy úlken úles qosty deıdi. Bul joba biryńǵaı týrıstik keńistik ornatýǵa baǵyttalǵan.
«Uly Jibek joly ShYU-na múshe elderge materıaldyq qundylyqtar syılap qana qoımaı, adamzat damýyna yqpal etetin túrli elder men halyqtardyń gýmanıstik dástúrin biriktirdi. Qazirgi kúni ShYU – ártúrli tarıhı mádenıeti bar jáne ulttyq dástúri bólek elderdiń úılesimdi jumys istep jatqanynyń úlgisi», - dep atap ótti Ózbekstannyń mádenıet mınıstri Bahtıer Saıfýllaev.
Shara barysynda Qytaı astanasynyń turǵyndary ıÝNESKO-nyń álemdik muralar tizimine engen ejelgi Buqara eskertkishteri týraly aqparat aldy.
Rýslan Súleımenov
Buqara qalasynyń óner ujymdary kontsert jáne dástúrli óner kórmesin uıymdastyrdy. Sonymen qatar, kelgen qonaqtar ózbek ulttyq ashanasynan dám tatty.
Saltanatty sharaǵa Qazaqstan, Óbekstan, Qyrǵyzstan, Reseı, Tájikstan, Pákistan, Aýǵanstan, Túrkııa jáne Ázerbaıjan elderiniń elshileri qatysty.
Esterińizge sala keteıik, «ShYU – bizdiń ortaq úıimiz» jobasy aıasynda Beıjińdegi Qazaqstannyń mádenıet kúnderi 2016 jyldyń jeltoqsan aıynda bolǵan.
