ShYU Bas hatshysynyń orynbasary Qazaqstan halqy birliginiń faktorlaryn atady

BEIJІŃ. QazAqparat - «Nurly Jol» jańa ekonomıkalyq saıasatyn júzege asyrý Qazaqstan halqynyń birligin ary qaraı bekemdeýge septigin tıgizetin bolady. Bul týraly «QazAqparat» HAA tilshisine suhbat bergen Shanhaı Yntymaqtastyń uıymy Bas hatshysynyń orynbasary Van Kaıven aıtyp berdi.

«Kópultty Qazaqstanda Táýelsizdik alǵan sátten bastap Prezıdent Nursultan Nazarbaevtyń basshylyǵymen ultaralyq beıbitshilik pen kelisim saqtalyp keledi. Barlyq etnıkalyq toptardyń ókilderi birlese otyryp, jarqyn bolashaqtyń negizin qalap jatyr. «Nurly Jol» baǵdarlamasynyń aıasynda Qazaqstannyń kópultty halqy memleket pen ekonomıkalyq qurylymdaýda jańa nátıjelerge qol jetkizetinine senimdimiz», - dedi Van Kaıven.

Onyń aıtýynsha, Qazaqstan halqy Assambleıasy Qazaqstan halqynyń birligin nyǵaıtýda mańyzdy ról atqarady.

«Assambleıanyń arqasynda árbir etnıkalyq top memlekettiń damýyna qatysty óz ustanymyn bildirip, Qazaqstannyń jarqyn bolashaǵyn qurýǵa úles qosa alady», - deıdi ol.

ShYU Bas hatshysynyń orynbasary Qazaqstan men basqa da ShYU-ǵa múshe memleketterdiń ultaralyq yntymaqty nyǵaıtý, sondaı-aq Shanhaı yntymaqtastyq uıymynyń mádenı-gýmanıtarlyq qarym-qatynasynyń vektoryn damytýǵa yqpal ete alatynyna senim bildirdi