ShYU Bas hatshysy: Uıym qaqtyǵystardy saıası jolmen sheshýge yqylasty
Bul týraly sársenbide qytaı astanasynda ashylǵan Azııadaǵy ózara is-qımyl jáne senim sharalary keńesi Úkimettik emes forýmynyń 2-shi jylsaıynǵy konferentsııasynda ShYU Bas hatshysy Rashıd Alımov aıtty, dep habarlady atalǵan uıymnyń hatshylyǵy.
ShYU Bas hatshysy lańkestik uıymdardyń belsendiliginiń artýyna baılanysty álemde qaýipsizdikke qaterdiń artqanyn aıtty. Bul álemniń ár óńirlerinde qysymdy arttyra túsedi. «Ortaq syn-qaterler men qaýipterge, ásirese halyqaralyq terrorızmge, separatızm men ekstremızmge, olardyń ıdeologııasynyń taralýy men nasıhattalýyna, esirtkiniń zańsyz aınalymy, transshekaralyq uıymdasqan qylmysqa birlesken qarsy is-qımyl ShYU qyzmetiniń basym baǵyty bolǵan jáne solaı bolyp qala bermek», - dedi Alımov.
«Jahandyq terrorızmge tıimdi qarsy is-qımyldyń kúrdeli mindetterin sheshý barlyq álemdik qoǵamdastyqtar kúshiniń birigýin talap etedi. Osyǵan baılanysty Astanada qabyldanǵan halyqaralyq terrorızmge qarsy birlesken is-qımyl týraly ShYU múshe memleketterdiń málimdemesi halyqaralyq lańkestikke qarsy keń aýqymdy koalıtsııa qurýǵa shaqyrady», - dedi Bas hatshy.