ShYU bas hatshysy Úrimjidegi oqıǵa boıynsha málimdeme jasady
«Shanhaı yntymaqtastyq uıymy Úrimji qalasynda oryn alǵan lańkestik akti týraly sýyq habardy tereń kúızelispen qabyldady», delingen ShYU resmı saıtynda jarııalanǵan málimdemede.
«Ondaǵan adam qaza taýyp, kóptegen adam jaraqat aldy, týysqandarynan aıyrylǵan, sondaı-aq lańkestikten zardap shekken otbasylarǵa qaıǵylaryna ortaqtasa otyryp, kóńil aıtamyz jáne bul lańkestik aktini batyl aıyptaımyz», - delingen málimdemede.
ShYU bas hatshysy «lańkestik belsendilikke tıimdi qarsy áreket jasaý úshin halyqaralyq qoǵamdastyqtyń ózara is-qımylyn óristete túsýdi jalǵastyrý mańyzdy, bul Shanhaı yntymaqtastyq uıymy úshin basym mindet bolyp tabylatynyn» basa aıtty.
Eske sala keteıik, beısenbi kúni tańerteń ShUAÓ ákimshilik ortalyǵy - Úrimji bazarlarynyń birinde jarylystar serııasy oryn aldy, olardyń saldarynan 31 adam qaza taýyp, 94 adam zardap shekti.