ShYU Bas hatshysy: Meniń jastyq shaǵym Astanamen baılanysty
«Men «Astana» degen sózdi estigenimde, jastyq shaǵym eske túsedi. Astana - álemdegi eń jas astana bolǵandyqtan ǵana emes, meniń jastyq shaǵym osyndaı tamasha qalamen baılanysty boldy. Men bes jyl boıy Qazaqstan stýdentter qurylys jasaǵynda jumys istedim. Tselınograd meniń qalyptasyp, aıaqtan turýyma kýá bolǵan qala. Men osy qalada alǵash ret óz bolashaǵymnyń aldyndaǵy jaýapkershilikti sezindim», - dedi ol QazAqparatqa bergen suhbatynda.
Dıplomattyń aıtýynsha, 2005 jyldyń qazanynda Qytaıǵa kelerdiń aldynda oǵan dostary bolashaq Astananyń jobasyn kórsetken.
«Bir jyl buryn birneshe ret Astanada boldym. Kún saıyn 8-10 shaqyrym jaıaý júrip, qalany aralaıtynmyn. Maǵan 12 jyl buryn kórsetken bolashaqty óz kózimmen kórdim. Astana kóz aldymda kún saıyn ósip, damyp, sulýlanyp keledi. Elorda - qonaqjaı, adamdarǵa ashyq, jańa ıdeıalar qalasy», - dep atap ótti ol.
«Men «ıdeıa» sózin jaı aıtqan joqpyn, - dep jalǵastyrdy R.Alımov, - sebebi Astana - bolashaqtyń qalasy. Ol jańa bastamalar usyna otyryp, ósip jatyr, ıaǵnı ınnovatsııalyq qala».
«Taıaý kúnderi «Astana» halyqaralyq qarjy ortalyǵy ashylady. Bir jyl buryn barlyǵymyz EKSPO Astana-2017 halyqaralyq merekesine kýá boldyq. Onda Shanhaı yntymaqtastyq uıymy alǵash ret óz pavılonyn usyndy. Astana - tartymdy, shyraıly jáne ózgeshe qala», - dedi ol.