ShYU bas hatshysy Qazaqstandaǵy referendým týraly pikir bildirdi

NUR-SULTAN. QazAqparat – Shanhaı Yntymaqtastyq Uıymynyń 17 baıqaýshysy Qazaqstandaǵy referendým ótip jatqan 26 saılaý ýchaskesine bardy, dep habarlaıdy QazAqparat tilshisi.

«Búgin tańerteń biz baqylaý jumysyn bastadyq jáne 5 topqa bólinip, 26 saılaý ýchaskesine bardyq. Saılaýshylarmen jáne baqylaýshylarmen sóılestik. Referendýmnyń daıyndyq jumystary óte jaqsy uıymdastyrylǵan. Daýys berý protsesi de bir júıege keltirilgen. Saılaýshylarmen suhbattasý barysynda olardyń referendýmǵa degen qulshynysy men qyzyǵýshylyǵy bizdi tań qaldyrdy. Turǵyndar kóptep keldi dep aıta alamyz. Zańnamany buzý boıynsha eshqandaı oqıǵa tirkelgen joq jáne eshqandaı shaǵym nemese ótinish kelip túsken joq», - dedi Shanhaı yntymaqtastyq uıymynyń bas hatshysy Chjan Mın Nur-Sultanda ótken baspasóz máslıhatynda.

Spıkerdiń aıtýynsha, referendýmǵa deıin ShYU baıqaýshylary Qazaqstannyń ortalyq saılaý komıssııasynyń basshylarymen kezdesip, jan-jaqty pikir almasyp, daıyndyq jáne uıymdastyrý jumysynyń barysymen tanysqan.

«Qazir referendýmǵa daýys berý protsesi júrip jatyr, bizdiń mıssııa músheleri óz mindetterin atqarýda. Biz óz mıssııamyzdy jaýapty túrde oryndaımyz jáne jańa Qazaqstannyń jáne onyń halqynyń ıgi bolashaǵyna qolymyzdan kelgenshe úles qosamyz», - dedi ShYU bas hatshysy.

Buǵan deıin Halyqaralyq Túrki akademııasynyń baıqaýshylary Qazaqstandaǵy referendýmdy joǵary qyzyǵýshylyqpen baqylap otyrǵanyn aıtqan edi.

Olar tańǵy 7-den beri referendým ýchaskelerin aralap júr.

Sonymen birge, Qyrǵyzstannan Qazaqstanǵa 15 halyqaralyq baıqaýshy keldi. Olar Nur-Sultan men Almaty qalalarynda, Jambyl jáne Almaty oblystarynda jumys istep jatyr.

Jalpy Ortalyq referendým komıssııasy halyqaralyq uıymdar men shet memleketterden 272 ókildi baıqaýshy retinde akkredıttegen.

Referendýmdaǵy baıqaýshylar arasynda TMD mıssııasy kósh bastap tur. Túrli elder men TMD uıymdary atynan 144 adam akkredıttelgen.