ShYU Bas hatshysy D.Mezentsev: Astana - bar ult úshin biriktirýdiń úlgisi

BEIJІŃ. QazAqparat - Astana bar ult úshin biriktirýdiń úlgisi bolyp sanalady. QHR astanasynda ótkizilgen «Qazaqstan búgin jáne erteń» atty dóńgelek ústel barysynda Shanhaı yntymaqtastyq uıymynyń bas hatshysy Dmıtrıı Mezentsev osylaı aıtty.

El Prezıdentiniń bastamasymen jańa elorda -Astana, Qazaqstannyń maqtanyshyna aınalǵan zamanaýı, yrǵaqty damý ústindegi qala turǵyzyldy.

Jáne biz búgingi kúni bul jobanyń tek jańa qalalyq ınfrajúıesiniń qurylysy emes, bul barlyq ult úshin biriktirýdiń úlgisi, bir adamnyń bolashaqqa senimine mıllıondaǵan adamdy uıystyra ertýdiń úlgisi ekendigin kórip otyrmyz»,-dep atap ótti ol.

D. Mezentsev sondaı-aq Qazaqstannyń álemdik arenadaǵy yqpalynyń únemi ósip jatqandyǵyn da tilge tıek etti.

Ult kóshbasshysy Nursultan Nazarbaevtyń kóregen saıasatynyń arqasynda el aımaqta ǵana emes, búkil álemge tanymal bolǵandyǵyn basa aıtty ol.

Eske sala ketsek, bul sharany Qytaıdyń shet eldermen halyqtyq dostastyq qaýymy men QHR-daǵy Qazaqstan elshiligi jáne Qytaı jáne Ortalyq Azııa dostastyq qaýymy uıymdastyrdy. Basqosýǵa 70-ten astam adam - dıplomatııalyq korpýs, ǵylymı orta, BAQ ókilderi qatysty.