ShYU baqylaýshylary Qyrǵyz Respýblıkasynyń Syrtqy ister mınıstri R.Qazaqbaevpen kezdesti
BІShKEK. Maýsymnyń 28-i. QazAqparat /Evgenıı Novıkov/ - Búgin Qyrǵyzstannyń jańa konstıtýtsııasyn qabyldaýǵa referendým ótkizýdi daıyndaý jáne ótkizýge monıtorıng jasaýmen aınalysatyn Shanhaı yntymaqtastyq uıymynyń halyqaralyq baqylaýshylar mıssııasynyń ókilderi el syrtqy ister mınıstri Rýslan Qazaqbaevpen kezdesti, dep habarlaıdy Qyrǵyz Respýblıkasynyń SІM baspasóz qyzmeti.
Halyqaralyq baqylaýshylar mıssııasyn bastap kelgen ShYU bas hatshysynyń orynbasary Hýn Tszıýın referendýmnyń tynysh, ashyq ári jaqsy uıymdastyrylǵanyn aıtyp ótti.
Mıssııa basshysynyń aqparaty boıynsha, ShYU baqylaýshylary Bishkek, Kante, Qarabalta, Toqmaq jáne Shý oblysynyń eldi mekenderinde ornalasqan jalpy sany 47 ýchaskede bolyp qaıtty.
Óz kezeginde, R.Qazaqbaev jasalǵan jumystar úshin ShYU halyqaralyq baqylaýshylary mıssııasyna jáne qyrǵyz jaǵyna óz kómegi men qoldaýyn kórsetip otyrǵan qatysýshy memleketterge óz alǵysyn jetkizdi.
