ShYU aıasynda yntymaqtastyqtyń ekonomıkalyq vektory belsendi damýda - Erbolat Dosaev
ASTANA. QazAqparat - ShYU memleketteriniń ekonomıka mınıstrleri kótergen ózekti máseleler úkimet basshylarynyń qaraýyna usynylady. Bul týraly búgin Astanada syrtqy ekonomıkalyq jáne saýda máselelerine jaýap beretin ShYU-ǵa múshe memleketter mınıstrleri keńesinde QR Ulttyq ekonomıka mınıstri Erbolat Dosaev málim etti.
«12 jylda Shanhaı yntymaqtastyq uıymy yqpaldy halyqaralyq ınstıtýtqa aınaldy. Búginde ShYU óńirde turaqtylyq pen qaýipsizdikti qamtamasyz etýde, jalpy qaterlerge is-qımyl jasaýda, sondaı-aq álemge jáne qaýipsizdikke qaýip týdyratyn ahýaldardy retteýde birlesken qadamdardy ázirleýde pármendi tetik bolyp tabylady. Sonymen qatar ShYU aıasynda yntymaqtastyqtyń ekonomıkalyq vektory belsendi damýda», - dedi mınıstr.
E. Dosaev óz sózinde búgingi kezdesý Astanada 14-15 jeltoqsanǵa josparlanǵan ShYU-ǵa múshe memleketter úkimet basshylary keńesi otyrysy qarsańynda ótip jatqandyǵyn aıta kele: «Búgingi Mınıstrler keńesiniń qorytyndysy uıym aıasynda saýda-ekonomıkalyq yntymaqtastyqty damytýdyń ózekti máselelerin talqylaý kezinde bizdiń elderdiń úkimet basshylaryna usynylatyn bolady»,-dedi.
Aıta keteıik, otyrys barysynda ShYU aıasynda túrli baǵyttardaǵy ózara is-qımyldyń áleýetin budan ary qaraı nyǵaıtýdyń usynystary qaralatyn bolady.
