ShYU Astana sammıtinen keıin jańa sapaǵa kóteriledi - Bas xatshy

ASTANA. QazAqparat - Shanxaı Yntymaqtastyq Uıymy Astana sammıtinen keıin jańa sapaǵa kóteriledi. Bul týraly búgin Ortalyq kommýnıkatsııalar qyzmetinde ótken baspasóz máslıxatynda ShYU bas xatshysy Rashıd Alımov málim etti, dep xabarlaıdy QazAqparat.

«ShYU damý áleýetterine keletin bolsaq, bul suraqqa 9 maýsym kúni bolatyn kezekti sammıtte uıymǵa múshe memleketterdiń kóshbasshylary jaýap beredi. Ózderiniń deklaratsııasynda, baıandamalarynda uıymnyń jańa damý baǵyttaryn aıqyndaıtyn bolady. Qazir qujattardyń barlyq paketi daıyndaldy, árıne Astana sammıtinen soń, ShYU jańa sapaǵa kóteriledi. Oǵan eshkimniń de talasy joq», - dedi Rashıd Alımov tilshiniń saýalyna.

Ol sonymen qatar uıymdy ulǵaıtý máselesine de toqtaldy.

«Uıym qataryn tolyqtyrýǵa keletin bolsaq, ol da 9 maýsymda Úndistan men Pákistandy bizdiń uıymnyń tolyqqandy múshesi etip qabyldaý týraly sheshim jasalǵanda belgili bolady», - dep atap ótti ol.

Aıta keteıik, 9 maýsym kúni EKSPO-2017 kórmesi qarsańynda Astanada ShYU sammıti ótedi dep josparlanǵan.