Shyrqa, daýsym: Tarazda respýblıkalyq dástúrli ánshiler baıqaýy máresine jetti
Mádenı shara jyr alyby Jambyl Jabaevtyń 175 jyldyǵy men el táýelsizdiginiń 30 jyldyǵyna oraı ótken bolatyn.
Sanıtarlyq talaptarǵa sáıkes, kontsert zalynda kórermen bolmady. Esesine onlaın kórsetilim uıymdastyryldy.
Eki jylda bir ret ótetin dástúrli ánshiler merekesine bıyl elimizdiń ár qıyrynan otyzǵa jýyq úmitker qatysyp, ulttyq ónerimizdi nasıhattaýǵa atsalysty.
Aıta keteıik, qatysýshylardyń ortasha jasy - 23. ıAǵnı, dástúrli án ónerine ańsary aýǵan jastar jetkilikti degen sóz.
Olardyń ónerin Memlekettik syılyqtyń laýreaty, kompozıtor Altynbek Qorazbaev, Qazaqstannyń eńbek sińirgen qaıratkeri, dástúrli ánshi Aıgúl Qosanova, Qazaqstannyń eńbek sińirgen qaıratkeri, ánshi Saıat Medeýov, dástúrli ánshi Beıbit Musaev baǵalady.
Kenen Ázirbaevtyń «Tik shyrqaý», «Shyrqa, daýsym!», «Kóksholaq» sekildi kóptegen ǵajap ánderin shyrqaǵan qatysýshylardyń eshqaısysy da osal emes. Bári de ulttyq ónerdiń kóshin órge súırep júrgen jastar.
«Bıyl bul dástúrli án baıqaýy onynshy ret ótkizilse, men úshinshi márte tóraǵa retinde qatysyp otyrmyn. Baıqaýǵa jastardyń kóp qatysqany kóńilge medeý boldy. Bul degenimiz Kenen murasy máńgi ólmeıtindiginiń dáleli»,- dedi Altynbek Qorazbaev.
Birqatar qatysýshy alǵys hatqa ıe boldy. Úmitkerlerdiń birazy dıplomant atanyp, «Kórermen kózaıymy», «Kúmis kómeı», «Jas Úmit», «Jas daryn», «Kóne Taraz» sekildi atalymdarmen, sondaı-aq oblys ákimdigi mádenıet, arhıvter jáne qujattama basqarmasynyń, Kenen Ázirbaev atyndaǵy oblystyq fılarmonııanyń arnaıy júldesin aldy.
«Shyrqa, daýsym» baıqaýynda úshinshi oryn taldyqorǵandyq Nurdana Sálimhan, túrkistandyq Elbol Qýanbekke buıyrsa, ekinshi oryndy Almaty oblysynyń ánshisi Jiger Omarhan men balqashtyq Nurbolat Uzaqbaı ıelendi. Shý aýdanynan qatysqan Erbosyn Qasymbek júldeli birinshi orynǵa laıyq dep tanyldy.
Іs-shara sońynda oblys ákiminiń arnaıy júldesi men bas júlde tabystaldy. Olardy oblys ákimi Berdibek Saparbaev tapsyrdy. Arnaıy júlde shymkenttik Ulsaıa Bektasqa buıyrsa, ǵajap daýsymen qazylardyń da, kórermenderdiń de ystyq yqylasyna bólengen almatylyq Ýathan Shattyq bas júldeni qanjyǵalady.
«Qurmetti qonaqtar, kıe daryp, qut qonǵan Áýlıeata óńiri aqyndar men batyrlardyń jeri. Biz Kenen ónerin jalǵastyrýshylarmyz. Búgin mine, qazaq barda, dombyra, óner, jyrdyń jasaı beretinin kórip otyrmyz. Baıqaýda jas talanttardyń jarqyrap kóringenine rıza boldym. Sol talantty balalardy daıyndap ákelgen ustazdarǵa alǵysym sheksiz»,- dedi oblys basshysy Berdibek Saparbaev.
