Shynjańnyń Shińgil aýdanynda Janseıit Muhammetulynyń týǵan kúnine arnalyp palýandar beldesýi ótti
ÚRІMJi. Shildeniń 21-i. QazAqparat /Rızabek Núsipbekuly/ - Jaqynda Shynjańnyń Shińgil aýdanynda aýdandyq madenıet mekemesiniń uıymdastyrýymen Janseıit Muhammetulynyń týǵan kúninie arnalyp, eresekter arasynda palýandar beldesýi ótti, dep habarlaıdy QazAqparat tilshisi.
Altaıdyń ár aýlynan kelgen buqa moıyn, býra san palýandar boz kilemniń ústinde tórt túrli salmaq boıynsha baqtaryn synady. Beldesý sońynda Sadan Aıdynuly, Juman Ápesuly, Tileýbek Nurtazauly, Sarqyt Sákenuly qatarly sportshylar óz salmaqtary boıynsha «Túıe» palýandar atandy. Júldegerler arnaıy dıplomdarmen jáne baǵaly syılyqtarmen marapattaldy.
Janseıit Muhammetuly - Shynjań qazaqtary arasynan shyqqan joǵary salmaqtaǵy arqaly palýandardyń biri. Óz kezinde neshe márte memlekettik, halyqaralyq dodalarǵa qatysyp, jaýyryny jerge tımeı rýhymyzdy asqaqtatqan qazaqtyń oǵylan uly.
