Shyńjańnyń ońtústiginde birneshe ret jer silkindi
BEIJІŃ. QazAqparat – Qytaıdyń Shyńjań-Uıǵyr avtonomııalyq aýdanynda magnıtýdasy 6,4 bolatyn jer silkinisi tirkeldi, dep habarlaıdy QazAqparat.
CENC málimetinshe, jerasty dúmpýi 19 qańtar kúni Beıjiń ýaqytymen saǵat 21:27-de bolǵan. Zilzala oshaǵy - Qashǵar okrýginiń Paızavat aýdanynda. Tereńdigi – 16 shaqyrym.
Zardap shekkender men qıraǵan ǵımarattar týraly málimet joq.
Atalǵan jer silkinisinen keıin seısmıkalyq dúmpýler Qashǵar okrýgine kórshiles ornalasqan ShUAA Qyzylsý-Qyrǵyz avtonomııalyq oblysynda da qaıtalandy. Aftershoktyń magnıtýdasy – 3,2-5,2 aralyǵynda.
Sońǵy dúmpý Beıjiń ýaqyty boıynsha saǵat 22:23-te Qyzylsý-Qyrǵyz avtonomııalyq oblysynyń ákimshilik ortalyǵy – Atýsh qalasyna jaqyn mańda boldy. Atýshta 300 myńnan astam halyq turady. Zilzala oshaǵy 14 shaqyrym tereńdikte jatyr.
Eske sala keteıik, biz búgin keshke Almatyda jer silkinisi sezilgenin jazǵan bolatynbyz.
