Shyńjańnyń «Іle qazaq oblystyq fılarmonııasy» Astana sahnasynda
Sharany Astanadaǵy «Murat joly» mádenı-qoǵamdyq birlestigi Qazaqstandaǵy QHR Elshiliginiń qoldaýymen uıymdastyrdy. Ár ult ókilderinen quralǵan ónerpazdar astanalyq kórermenderge ásem áýen, tátti kúı, tartymdy bıler tartý etti.
«Búgingi keshten alǵan áserim keremet boldy. Erekshe qyzyqty, halyq jaqsy qabyldady. Bul - Shyńjańda turatyn ár ult ókilderiniń mádenıetiniń, yntymaǵynyń kórinisi. Bundaı mádenı sharalar Qazaqstan, men Qytaıdyń, sondaı-aq Jibek joly boıyndaǵy barlyq elderdiń mádenıet almasýyna, dostyq qarym-qatynastarynyń nyǵaıýyna oń áser etedi dep bilemin. Budan keıin bizdiń Elshilik osyndaı sharalardy jıi uıymdastyryp turýǵa tyrysady», - deıdi Qazaqstandaǵy QHR Elshiliginiń saıası keńesshisi Lıý Tszıanpın.
«Bıyl - Qazaq eliniń Táýelsizdigine 25 jyl. Elimizdiń túkpir-túkpirinde ár túrli aýqymdy sharalar ótip jatyr. Osy mereıli merekeniń saltanatyna sán qosý maqsatynda «Іle qazaq oblystyq flarmonııasyn» shaqyryp kontsert berýge usynys ettik. Keshtiń maqsaty - eki eldiń mádenı baılanysyn nyǵaıtý, el men eldiń arasyn jaqyndatý. Bul - dostyqtyń, tatýlyqtyń kontserti. Ǵasyrǵa jalǵasqan syılastyqtyń belgisi dep bilemin. Bizdiń qoǵamdyq birlestiktiń negizgi ustanymy - eki eldiń mádenı dostyq baılanystaryna muryndyq bolý. Eki el prezıdentteriniń jolǵa qoıǵan dıplomatııalyq qarym-qatynastaryna ózindik úlesimizdi qosý. Ónerde shekara bolmaıdy, ásem áýenge, tógilgen kúıge, ádemi bıge aýdarmashynyń qajeti joq. Ózge elder men bolǵan dostyǵymyz jalǵasa bersin. Táýelsizdigimiz máńgilik bolsyn! Mereke qutty bolsyn!» - deıdi «Murat joly» mádenı-qoǵamdyq birlestiginiń tóraǵasy Dýman Amanuly.
