Shynjańnyń Barkól aýdanynda kıiz úı tigýden jarys ótti
ASTANA. Shildeniń 28-i. QazAqparat /Baqytjol Kákesh/ - Qazaq ultynyń kıiz úı mádenıetin nasıhattaý, urpaq sanasynda jańǵyrtý maqsatynda Shynjańnyń Barkól aýdanynda alǵash ret kıiz úı tigýden jarys ótti, dep habarlaıdy Qytaıdyń «Sınhýa» agenttigi.
Sanjy oblysynyń Barkól qazaq avtonomııaly aýdanynda ótken buryn-sońdy bolmaǵan bul jarystyń kópshilik jurtty eleń etkizgeni anyq. Osy bir ózgeshe jarys barysy buryndary kóshpeli halyq ómirinde orny aıryqsha baǵalanatyn kıiz úıdiń ózindik tanymdyq syr-sıpatyn uǵynýdyń tamasha oraıly sátine aınalǵandaı.
Qazaq halqy kıiz úıdiń jyldam jıylyp-tigiletin, paıdalanýǵa tózimdi, beriktigin jáne sýyqtan, jańbyrdan, zilzaladan qorǵanýǵa bolatyn erekshe qasıetterin erteden uǵyna otyryp, óz qajetine keńinen paıdalanǵan.
