Shynjańnyń Altaı aımaǵynyń Kóktoǵaı aýdanynda aqyndar aıtysy ótkizildi
ÚRІMJІ. Shildeniń 24-i. QazAqparat /Rızabek Núsipbekuly/ - Shynjańnyń Kóktoǵaı aýdanynda, Ertis ózeniniń bastaý alǵan jerinde, Altaı taýynyń qoınaýyndaǵy jaılaýda aqyndar aıtysy ótkizildi, dep habarlaıdy QazAqparat tilshisi.
Sondaǵy turǵylyqty jurtpen birge, alys-jaqynnan kelgen qadirli qonaqtar saharadaǵy sán-saltanaty jarasqan osy bir aıryqsha óner básekesin qyzyǵa tamashalady. Aıtys ـــ ulttyq mádenıetimizdiń máıegi, halq arasynda uzaq ýaqyttar saqtalyp kelgen óner jaýhary. Aqyndar aıtysynyń Qytaı qazaqtary arasynda da sol mańyzyn joǵaltpaı urpaq sabaqtastyǵyn saqtap, búgin de óz dárejesinde dáriptelip otyrǵany málim.
2006 jyly mamyrda, Qytaı memlekettik keńesiniń sheshimimen aqyndar aıtysy birinshi toptaǵy qorǵalatyn memlekettik mádenı muralar tizilimine engizilgen bolatyn.
