Shynjańnyń 3-shi kezekti aqyndar aıtysy Úrimji qalasynda ótpek
ASTANA. Mamyrdyń 13-i. QazAqparat / Baqytjol Kákesh/ - Shynjańnyń 3-shi kezekti aqyndar aıtysy maýsymnyń 16-18- kúnderi Úrimji qalasynda ótetin boldy,
dep habarlaıdy QazAqparat Shynjań ólkelik aqparat keńsesiniń «Táńir taý» saıtyna silteme jasap.
Qytaıdaǵy qazaqtar turatyn oblys, aımaq, aýdandarda túrli dárejedegi aqyndar aıtysyn ár jyl saıyn ótkizip otyrý dástúrge aınalǵan. Al memlekettik dárejedegi 5 jylda bir ret ótetin bul jolǵy alaman aıtysqa Shynjańnyń ár túkpirindegi qazaqtar qonystanǵan oblys, aımaqtar jáne Gansý ólkesiniń Aqsaı qazaq avtonomııaly aýdanynyń aqyndary qatysady. Aıtys alamanynda ár jerden saralanyp jiberilgen 48 aqyn baq synamaq. Sonymen birge osy kezekti aqyndar aıtysyna oraılastyryp, «Aıtys zertteý memlekettik ǵylymı talqy jıynyn» ótkizý de josparǵa engizilgen.
