Shyńjańdaǵy teraktiniń izi sýymaı ashyldy
BEIJІŃ. 31 jeltoqsan. QazAqparat - Jergilikti quqyq qorǵaý organdary Qytaıdyń soltústik-batysyndaǵy Shyńjań-Uıǵyr avtonomdyq aýdany Qashqar okrýginiń Shache ýezinde dúısenbi kúni bolǵan lańkestiktik qylmystyń izin sýytpaı ashty,
dep habarlady «Sınhýa» agenttigi.
Polıtsııa ýchaskesine shabýyldy quramynda toǵyz adamy bar lańkestik tobyn qurǵan Ýsman Barat pen Abdýghenı Abdýkhadır uıymdastyrǵan. Aldyn ala tergeý kezinde atalǵan top «qarjy jınap, jarylatyn zattar daıyndap, lańkestik pen zorlyq-zombylyq aktilerin jasaýdy josparlaǵan».
Eske sala keteıik, dúısenbi, 30 jeltoqsan kúni jergilikti ýaqyt boıynsha 6:30-da terrorıster polıtsııa ýchaskesine shabýyl jasap, oǵan jarylǵysh zattar laqtyrǵan. Polıtsııa qyzmetkerleri shabýyl jasaǵandardyń 8-in oqqa ushyrdy, bireýin tutqyndady.
Oqıǵa ornynan 25 jarylǵysh zat pen 9 sýyq qarý tárkilendi.
Jergilikti BAQ málimetteri boıynsha, arnaıy shara barysynda polıtseılerdiń eshqaısysy zardap shekken joq.
