Shyńjańdaǵy lańkestikti «Shyǵys Túrkistan ıslam qozǵalysy» uıymdastyrǵan - QHR SІM
BEIJІŃ. QazAqparat - «Shyǵys Túrkistan ıslam qozǵalysy» (ShTIQ) - Qytaıdaǵy terrorlyq aktsııanyń uıymdastyrýshysy, eldegi dinı ekstremızm ıdeologııasyn taratýshy. Beıjińde QHR SІM resmı ókili Hýa Chýnın osylaı dep málimdedi.
Qytaı dıplomatynyń aıtýynsha, ShTIQ QHR aýmaǵynda dinı ekstremızm ıdeologııasyn taratqany jáne lańkestik aktsııalaryn uıymdastyrǵanyn dáldeıtin aıǵaqtar bar.
Quqyq qorǵaý organdarynyń derekterine súıensek, aǵymdaǵy jylǵy sáýirde Úrimji qalasynyń temirjol vokzaly mańynda oryn alǵan lańkestikti ShTIQ músheleri uıymdastyrǵan. Atalǵan qaıǵyly oqıǵadan úsh adam qaza taýyp, 79 adam jaraqat alǵan edi. «Qytaı halyqaralyq qaýymdastyqty lańkestikpen kúres máselesinde «qosarly standartty» joıýǵa, Qytaıdyń ShTIQ jáne basqa da lańkestik uıymdarmen kúresine túsinistikpen qaraýǵa jáne qoldaýǵa shaqyrady», - dep atap ótti QHR SІM ókili. Shyǵys Túrkistan ıslam qozǵalysy - zańsyz qarýly qurama. Olardyń maqsaty - Shyǵys Túrkistanda táýelsiz memleket qurý. BUU ShTIQ-ty lańkestik uıym dep tanydy.
