Shyńjańdaǵy Altaı qalalyq kórkemóner ujymy «Shanhaı dúnıejúzilik kórmesine» qatynasatyn boldy
ASTANA. Sáýirdiń 23-i. QazAqparat /Rızabek Núsipbekuly/ - Shyńjańdaǵy Altaı qalalyq kórkemóner ujymy «Shanhaı dúnıejúzilik kórmesine» qatysýǵa joldama alyp, qazaq ultynyń án-bılerin álem aldynda taǵy bir pash etetin boldy.
Bul týraly QazAqparat Qytaıdyń «Halyq gazetine» silteme jasap habarlaıdy.
Atalǵan ujym mamyrdyń 1-nen 15-sine deıin Shanhaıda kontserttik baǵdarlamalar qoımaqshy. «Shanhaı dúnıejúzilik kórmesi - búkil álem jurtshylyǵy nazar aýdaryp otyrǵan, ár eldiń ekonomıka, mádenıet salasyndaǵy sony serpilisteri bir arnaǵa toǵysatyn tamasha sát. Bizdiń bul kórmege joldama alýymyz Shyńjańdaǵy ár ult halqy úshin úlken mereı boldy. Biz osy oraıda qazaq ultynyń ádet-ǵurpyn beıneleıtin jar-jar, qarajorǵa syndy baı mazmundy án-bılerimiz arqyly qazaq ultyn álemge tanytýǵa kúsh salamyz», - deıdi Altaı qalalyq kórkemóner ujymynyń jetekshisi Jalyn Qaısauly.
