Shyńjańda jer silkinisinen 400-den asa úı qırady
ASTANA. 2 jeltoqsan. QazAqparat - Qytaıdyń soltústik-batysynda ornalasqan Shyńjań-Uıǵyr avtonomııalyq aýdanynda jeksenbi kúni kúshi 5,3 baldyq jer silkinisi boldy, dep habarlaıdy QHR geologııalyq qyzmetinen.
Jer asty dúmpýleri 1 jeltoqsan kúni jergilikti ýaqyt boıynsha saǵat 16:34-te tirkeldi. Zilzala oshaǵy 9 shaqyrym tereńdikte ornalasqan.
Jer silkinisiniń saldarynan 468 úı men 185 mal qorasy qıraǵan. Qaza tapqandar men zardap shekkender jaıly málimet kelip túsken joq.
Jergilikti bılik turǵyndardyń birqataryn qaýipsiz aımaqqa kóshirdi. Zardap shekken otbasylaryna járdem kórsetý maqsatynda bıýdjetten 500 myń ıýan kóleminde qarjy bólindi.
