Shyńjańda terakt boldy
ASTANA. QazAqparat - Qytaıdyń Shyńjań-Uıǵyr avtonomııalyq ólkesi Hotan aımaqtyq úkimetiniń málimeti boıynsha, seısenbi, 14 aqpan kúni jergilikti ýaqyt boıynsha 19:20-da Pıshan aýdanynda terakt boldy.
Jergilikti úkimettiń resmı saıtyndaǵy málimet boıynsha, 3 terrorıst qolyna pyshaq alyp, aýdandaǵy shaǵyn turǵyn úı aımaǵynyń turǵyndaryna shabýyl jasady. Olardyń áreketinen 5 turǵyn qaza tapty jáne 5 adam aýyr jaralanǵan. Quqyq qorǵaý organdarynyń qyzmetkerleri 3 terrorısti oqıǵa ornynda atyp óltirdi.
Terakt bolǵannan keıin, aýdandaǵy barlyq dúkender men qonaq úıler jabyldy. Polıtsııa halyqtan úıden shyqpaýdy jáne jalǵan aqparat taratpaýdy talap etti.
Jergilikti úkimettiń resmı saıtynyń málimetinshe, qazir Pıshan aýdanynda ahýal turaqtandy, tıisti tergeý jumystary áli de júrgizilip jatyr.
