Shyńjanda sońǵy 5 aıda alǵash ret koronavırýs juqtyrǵan naýqas tirkeldi

BEIJІŃ. QazAqparat - Qytaıdyń Shyńjan-Uıǵyr avtonomııalyq aýdanynda bir adam koronavırýs juqtyrdy, taǵy úsh adamnan indettiń sımptomsyz túri tabyldy, dep habarlaıdy QazAqparatttyń menshikti tilshisi.

Naýqas - avtonomııalyq aýdannyń astanasy Úrimshi qalasynyń Tıan-Shan aýdanynda turatyn 24 jastaǵy áıel. Ol 10 shildede koronavırýs ınfektsııasynyń belgilerimen aýrýhanaǵa jatqyzylǵan.

Sársenbide onyń COVID-19-ǵa tapsyrǵan synamasy oń nátıje kórsetken.

Jergilikti BAQ habarlaýynsha, Shyńjanda sońǵy 145 kún boıy bir de bir adam koronavırýs juqtyrmaǵan.

Eske sala keteıik, Shyńjan-Uıǵyr avtonomııalyq aýdanynda COVID-19 ınfektsııasyna shaldyqqan alǵashqy syrqat 23 qańtarda tirkelgen.

Jalpy, aımaqta 76 adamnan indet tabylǵan.