Shyńjańda shabýyl saldarynan tórt adam qaza bolyp, segizi pyshaq jaraqatyn aldy
BEIJІŃ. 8 naýryz. QazAqparat - Keshe pyshaqpen qarýlanǵan er adam QRH-dyń Shyńjań-Uıǵyr avtonomııalyq aýdanyna qarasty Korla qalasynyń ortalyǵynda jergilikti turǵyndarǵa shabýyl jasady.
Shabýyl saldarynan tórt adam qaza bolyp, segizi túrli dárejede jaraqattandy, dep habarlady gongongtyq BAQ.
Korla qalasynyń polıtsııasy turǵyndarǵa pyshaq salǵan kúdiktini ustady. SCMP habarlaǵandaı, ShUAÓ basqarmasynyń hatshysy Hoý Hanmın oqıǵanyń oryn alǵanyn, sondaı-aq qaza bolǵandar men «pyshaq» shabýylynan zardap shekken adamdardyń sanyn rastady. Alaıda ol qurbandar men kúdiktiniń jeke tulǵasy jóninde qosymsha aqparat bergen joq.
