Shyńjańda polıtsııa lańkestikke kúdikti 9 adamdy atyp tastady
ASTANA. QazAqparat - Qytaı polıtsııasy Shyńjańnyń soltústik-batys provıntsııasynda 9 adamdy atyp tastady. Qytaı bıligi ólgenderdi lańkestikke kúdiktenedi, dep habarlady Bı-bı-sı.
Hotan qalasy polıtsııasynyń habarlaýynsha, Shyńjań-Uıǵyr avtonomııalyq ólkesiniń ońtústik-shyǵysynda taǵy bir adam ustalǵan.
Shyńjań aımaǵy qytaılyqtardyń uıǵyrlarmen jıi qaqtyǵysynyń ornyna aınaldy. 2009 jyly aımaq astanasy - Úrimji qalasyndaǵy aýqymdy etnıkalyq tártipsizdikter eki júzge tarta adamnyń mert bolýyna soqtyrdy, olardyń kópshiligi - qytaılyqtar.
2014 jylǵy naýryzda Kýnmın qalasy temirjol vokzalyndaǵy jappaı kisi óltirý kezinde 29 adam óldi. Aǵymdaǵy jylǵy mamyr aıynda Úrimjidegi bazarda bomba jarylýynan 31 adam qurban boldy. Budan keıin Qytaı bıligi polıtseı jasaqtaryn, Shyńjańnyń basty elde mekenderine áskerı qatysýyn kúsheıtýge sheshim qabyldady.
Qytaıdyń Shyńjań-Uıǵyr ólkesindegi jaǵdaı ulttyq azshylyqtyń ortalyq bılikti dinı jáne mádenı erkindikterin tejep otyr degen aıyptaýlarynan keıin ýshyǵyp ketti. Qytaı bıligi óz kezeginde, aımaqtaǵy adamdar turmysyn jaqsartýmen belsendi aınalysyp jatqanyn málimdeýde.
