Shyńjanda lańkestiktiń saldarynan 21 adam ajal qushty, 24-i jaraqattandy
BEIJІŃ. 28 maýsym. QazAqparat - Qytaıdyń soltústik-batysynda Shyńjan-Uıǵyr avtonomııaly aýdanynda lańkestik shabýyldyń saldarynan 24 adam opat boldy.
Bul týraly «Sınhýa» agenttigi jazyp otyr.
Lańkestik shabýyl 26 maýsym kúni Shyńjan-Uıǵyr avtonomııaly aýdanynyń ákimshilik ortalyǵy Úrimshi qalasynan 250 shaqyrym jerde Týrfan okrýgy Shanshan úıezinde oryn alǵan. Qaza tapqan 24 adamnyń arasynda 16-sy uıǵyr, onyń ishinde eki tártip saqshysy bar. Sonymen qatar 21 adam jaraqattanǵan.
26 maýsym kúni jergilikti ýaqyt boıynsha tańǵy saǵat 5.50-de belgisiz adamdar toby polıtsııanyń, patrýldik polıtsııanyń arnaıy bólimshesiniń ýchaskesine, jergilikti ákimshiliktiń ǵımaratyna, mıgrant jumysshylardyń qurylys alańyna shabýyl jasady. Tártip saqshylarymen qaqtyǵysta olardyń 11-i kóz jumdy, tórteýi qolǵa tústi.
Jergilikti BAQ-tyń málimetine qaraǵanda búginde aýdandaǵy jaǵdaı turaqtanǵan.
