Shyńjańda qus tumaýynan jabaıy aqqýlar qyrylyp qaldy

BEIJІŃ. Sınhýa-QazAqparat - Qytaıdyń Shyńjań-Uıǵyr avtonomııalyq ólkesinde (ShUAÓ) jabaıy aqqýlar qus tumaýyn juqtyrdy, dep habarlaıdy QazAqparat Sınhýa agenttigine silteme jasap.

QHR Janýarlar aýrýlaryn baqylaý ortalyǵynyń málimetinshe, Qulja aýdany aýmaǵyn mekendegen jabaıy aqqýlardyń 15-i H5N6 qus tumaýynyń joǵary patogendi vırýsy saldarynan qyrylǵan.

Jergilikti quzyrly organdardyń aıtýynsha, ol aýmaqta jalpy sany 150-ge jýyq jabaıy aqqý mekendeıdi. Qus tumaýy indeti anyqtalǵannan keıin, qyrylǵan aqqýlar zalalsyzdandyrylyp, aýmaqqa dezınfektsııa jasalǵan.