Shyńjańda qýaty 7,3 balldyq jer silkinisi tirkeldi
BEIJІŃ. QazAqparat - Shyńjańda qýaty 7,3 ball jer silkinisi boldy, dep habarlaıdy «QazAqparat» tilshisi.
Seısenbi kúni Shyńjań-Uıǵyr avtonomııalyq aýdanynyń ońtústik-batysyndaǵy ıÝıtıan ýezinde jergilikti ýaqyt boıynsha saǵat 17.19-da qýattylyǵy 7,3 balldyq jer silkinisi tirkeldi. Jer silkinisiniń kindigi 12 shaqyrym tereńdikte boldy. Qatty jer silkinisinen soń 46 aftershok oryn aldy. Ázirge qıraǵan ǵımarattar men qurban bolǵandar týraly málimetter joq.
QHR basshylyǵy halyqty atalǵan apattyń sebepterin anyqtaýǵa jáne ol týraly tolyq aqparat jınaýǵa barlyq kúsh-jigerlerin salýǵa shaqyrdy.
Apat bolǵan aımaqqa eki áskerı tikushaq jiberildi. Jergilikti bılik ókilderi oqıǵa ornyna 25 adamnan turatyn qutqarý tobyn jiberýdi kózdep otyr. Qazirgi ýaqytta Shyńjańnyń ońtústigindegi temirjol qatynasy toqtatyldy.
Seısenbi, 11 aqpan kúni dál osy aýdanda kúshi 5,7 balldyq jer silkinisi tirkelgenin eske sala keteıik. Zilzala aımaǵynda 200 myń adam turyp jatqan, olardyń basym bóligi uıǵyrlar. Apat bolǵan aýdan Kýnlýn taýynyń etegindegi taýly aımaq bolyp tabylady.
