Shyńjańda koronavırýsqa shaldyqqandardyń rekordtyq sany tirkeldi
BEIJІŃ. QazAqparat – Ótken táýlik ishinde QHR Shyńjań-Uıǵyr avtonomdyq aýdanynda (ShUAA) koronavırýsqa shaldyǵýdyń jańa 89 jáne aýrýdyń klınıkalyq belgi joq 15 jaǵdaı anyqtaldy, dep habarlaıdy QazAqparattyń Qytaıdaǵy menshikti tilshisi.
«28 shilde kúngi saǵat 00:00-degi jaǵdaı boıynsha Shyńjań-Uıǵyr avtonomdyq aýdany, sonyń ishinde Shyńjań óndiristik-qurylys korpýsynda (ShÓQK) koronavırýs juqtyrýdyń 89 rastalǵan oqıǵasy jáne aýrý belgilerinsiz júrgen 15 adam anyqtaldy.
Jalpy alǵanda, Shyńjańda COVID-19 juqtyrýdyń 322 rastalǵan oqıǵasy (sonyń ishinde 320-sy – Úrimjide, bireýi – Qashǵar aımaǵynda jáne taǵy bireýi – ShÓQK-da tirkelgen. Sondaı-aq, aýrý belgileri joq 133 adam anyqtaldy. 9 myńnan astam adam dárigerler qaraýynda júr», - delingen komıtettiń aqparattyq bıýlleteninde.
QHR Densaýlyq saqtaý isi jónindegi memlekettik komıtetiniń málimetinshe, sońǵy táýlikte Qytaıda koronavırýs juqtyrýdyń 98 rastalǵan oqıǵasy tirkeldi, sonyń ishinde 89-y – Shyńjań-Uıǵyr avtonomdyq aýdany, 8-i – Lıaonın provıntsııasy jáne bireýi Beıjińde anyqtaldy.
Eske salsaq, Qytaıdyń birneshe óńirinde koronavırýstyń oshaǵy anyqtalǵany týraly habarlaǵan bolatynbyz.