Shyńjańda koronavırýs ınfektsııasyn juqtyrýdyń 64 jańa jaǵdaıy anyqtaldy
BEIJІŃ.QazAqparat - Ótken táýlikte QHR Shyńjań-Uıǵyr avtonomııalyq aýdanynda (ShUAA) jańadan koronavırýs juqtyrǵan 64 adam anyqtaldy.
Onyń ishinde 3 naýqas belsendi jáne 61-i sımptomsyz tasymaldaýshy, dep habarlaıdy QazAqparat Densaýlyq saqtaý isteri jónindegi jergilikti komıtetke silteme jasap. «31 qazan kúni saǵat 24.00-degi jaǵdaı boıynsha ShUAA-da (Shyńjań óndiristik - qurylys korpýsyn, ShÓQK qosa alǵanda) koronavırýstyń 3 jańa rastalǵan jaǵdaıy jáne 61 sımptomsyz tasymaldaýshy anyqtaldy (barlyq jaǵdaılar Qashǵar okrýginiń Shýfý ýezine jáne ShUAA-nyń Qyzylsý-Qyrǵyz avtonomııalyq oblysyna tıesili)», - delingen habarlamada.
ShUAA-da koronavırýs qaıta órshı bastaǵaly (ShÓQK qosa alǵanda) rastalǵan jaǵdaılardyń jalpy sany 54-ke jetti (onyń ishinde 6 adam aýyr halde), al sımptomsyz tasymaldaýshylar sany - 219.
Esterińizge sala keteıik, 24 qazanda Qashǵar okrýginde (QHR ShUAA) jergilikti turǵyndar arasynda 1 sımptomsyz tasymaldaýshya anyqtalǵannan keıin, Shyńjań ákimshiligi qalyptasqan epıdemıologııalyq jaǵdaıǵa shuǵyl den qoıý rejımin engizdi. Tórt kún ishinde Qashǵar okrýginde 4,75 mıllıonǵa jýyq koronavırýs synaǵy jasaldy.
Rýslan Súleımenov
