Shynjańda Internet qaıta qosyldy
BEIJІŃ. Mamyrdyń 17-si. QazAqparat /Rýslan Súleımenov/ - Qytaıdyń Shynjań-Uıǵyr avtonomııalyq ólkesinde ótken jyldyń shilde aıyndaǵy oqıǵalardan keıin 9 aı boıy ajyratyp tastalǵan Internet qaıta qosyldy.
Shynjań-Uıǵyr avtonomııalyq ólkesi úkimetiniń aqparaty boıynsha, sheshim ekonomıkalyq damýdyń qajettilikteri men aýdan turǵyndarynyń talaptaryna sáıkes qabyldanyp otyr.
Esterińizge sala keteıik, 2009 jyly shildeniń 5-inde Úrimshide oryn alǵan etnıkalyq qaqtyǵystardan keıin, ólkede Internet ajyratylyp tastalǵan bolatyn. Shilde oqıǵalarynyń saldarynan 192 adam qaza bolyp, 1700-den astam adam jaralanǵan edi.
Al aǵymdaǵy jyldyń naýryz aıynda Shynjań ókimeti 31 veb-saıtty, elektrondyq poshta qyzmetin qaıta iske qosty.
