Shyńjańda bolǵan jer silkinisiniń saldarynan 1200-den astam baspana qırady, ekonomıkalyq shyǵyn 4,5 mln. dollardy qurady
BEIJІŃ. 3 jeltoqsan. QazAqparat - Ótken jeksenbide Qytaıdyń soltústik-batysyndaǵy Shyńjań-Uıǵyr avtonomııalyq ólkesinde bolǵan magnıtýdasy 5,3 jer silkinisiniń saldarynan 1200-den astam turǵyn úı qırady, dep habarlaıdy «Tıanshannet».
Jergilikti bıliktiń málimetterine qaraǵanda, apattan kelgen ekonomıkalyq zalal 27 mıllıonǵa jýyq ıýandi ($4,5 mln.) qurady, 1256 turǵyn úı jáne 403 mal qorasy qıraǵan.
Eske sala keteıik, jer asty dúmpýleri qytaı-qyrǵyz shekarasyna jaqyn jerde QHR ShUAÓ Aqsý óńiriniń Kelpın ýezinde 1 jeltoqsan kúni jergilikti ýaqyt boıynsha saǵat 16:34-te tirkelgen bolatyn. Jer silkinisiniń oshaǵy 9 shaqyrym tereńdikte ornalasqan.
Jer silkinisi oshaǵynyń kólemi, aldyn ala málimetter boıynsha, 31 myń sharshy metrdi qurady.
