Shyńjańda aıazdan 7 adam qaza tapty
BEIJІŃ. QazAqparat – QHR Shyńjań-Uıǵyr avtonomııaly ólkesinde (ShUAÓ) jeti adam úsik shalyp, qaza tapty, dep habarlaıdy QazAqparat «Sınhýa» agenttigine silteme jasap.
«Altaı qalasynyń halyq úkimeti (ShUAÓ, Altaı okrýgy) 28 qarashada tótenshe sýyq aýa raıy saldarynan jeti jumysshynyń qaza tapqanyn habarlady», - delingen «Sınhýa» málimetinde.
Shyńjańnyń soltústigindegi Altaı okrýginde ótken demalysta sońǵy on jyldaǵy eń tómen temperatýra tirkelgen, qalyń qar jaýyp, daýyl soqqan.
Habarlamaǵa sáıkes, senbi keshkisin, 26 qarashada boran kezinde jergilikti avtojoldyń ýchaskeleriniń birinde segiz jumysshy joǵalyp ketken. Adamdardy izdeýge barǵan qutqarýshylar olardy jeksenbi tańerteń, 27 qarashada tapqan. Іzdeý jumystary aýa raıy qolaısyz kezde – qatty jel, boran jáne aıaz kezinde júrgizilgen.
Segiz jumysshy shuǵyl aýrýhanaǵa jetkizildi. Alaıda úsik shalý saldarynan jeti adam kóz jumdy.
Foto: Getty Images/Costfoto/Barcroft Media
